Мехкарча дарбанче харцахьа дӏатийна ахчаш гучадаьлар тохкамхошта
РФ УК 1-ча даькъа 286-ча ст. гӏулакх хьадийллар Наьсарерча Тохкама комитета болхлоша. Бахьан – дарбанче болх беш болча наха, цхьаккха бокъо йоацаш, гӏо деш, ахча тийнна хилар.
«Тохкама болхлоша белгалдечох, 2025-ча шера наджгоанцхой беттагара оагӏой беттага кхаччалца йолча хана, цхьаккха бокъо йоацаш, цу гӏулакха бух боацаш дарбанче болх беш болча наха премеш, иштта кхыча оагӏонца ахчаш тийннад цигарча кулгалхочо. Дарбанчен тӏалатташ кредитни декхар долашше тийнад уж ахчаш. Цу моттига бокъонаш йохаеш болх хилар цох. 9 млн сом гаргга зе да цо «страховой компанена», мехкарча цу оагӏонцарча Ганза даьр», - дийцар «Сердалога» Тохкама комитета болхлоша.
Гӏулакх хьаделлара кӏийле я тохкамхошка цу гӏулакхах дола каьхаташ республикерча прокуратуро хьаденна хилар. Из гӏулакх ма дарра тохкаш, къахьегаш ба тахан мехка.
