Псковски областера баркал оала дешаш
Псковски областерча Высокодольски кхале шин кӀира балхара хьожаваь волча, «Патриот» яхача тӀема ханашка дисараш лехача тоабан кулгалхочо Муружанаькъан Мухьмада телеграм-оагӀонга гӀолла доккха баркал кхайкадир Наьсарерча мэра Оздой Руслана, Псковерча хӀама лохаш барашта геттара чӀоагӀа эшаш дола бурам эца ахчанца гӀо дарах.
Белгалде деза, Псковерча къахьегамхоша дӀадахача шера, гӀалгӀай лётчик хиннача Россе Турпала Оздой Мурада фецарча кемах дисараш лохаш болх дӀабихьа, шоашта кораяь оатхалаш республикага хьаеннилга. Иштта Муружанаькъан Мухьмада баркал аьлар кагирхой гӀулакхех йолча комитета хьалха лаьттача Малсаганаькъан Адама, гӀалгӀай хӀама лохарашта исторецара лоархӀамедараш меттаоттадара тӀехьа дакъа лаца аьттув баларах.
«Сийлахь-боккхача Даьймехка тӀем тӀа лийгарий цӀераш дийнъе аьттув боал, ишттача наькъ тӀа къахьегаш. Баркал хилда цу гӀулакха юкъе дакъа мел лоацарашта», - аьлар «Патриот» яхача тоабан кулгалхочо.
