«Хьалхарчарца дикадар карагIдалар» яхача вӏашагӏкхетаре гулвелар Гӏалгӏайчера 200 гӏонча
«Хьалхарчарца дикадар карагIдалар» яха моттигерча гӏо деш леларий вӏашагӏкхетар хилар Гӏалгӏайче. Карарча шера цун доакъашхо вар 200 хьинар дола саг, уж бар республикан шахьарашкара, кхалешкара.
Кхаь дийнахьа «Мужече» яхача спортивни кийчон центрах лоӏамхой ӏомабеш йола, шоайла говзал эцарах йола майда хилар. Доакъашхоша болх бора тоабашца, кердадараш довзар, иштта нахацара бувзам хоттар.
Кагирхошта лаьрхӏа дика дешара программа вӏашагӏъеллаяр, цига иштта бийхабар говзанчаш. Гӏулой Аминайца волонтёраша дакъа лаьцар тоабашца дӏахьоча дешара юкъе. Ведажанаькъан Заурбека доакъашхошта довзийтар вахара дешашцара проект оттаеш теркалде деза керттердараш, хӏаьта ӏарчакханаькъан СаIида дийцар лоӏамхой балха ца хилча даргдоацар малагӏа да.
Къаьстта йола терко тӏаяхийтар вӏашагӏкхетаре юкъедаьхача кердадаршта, уж кагирхошта дӏахо болх беш ца хилча даргдоацаш дар. Уж дар, вахарца ювзаенна проекташ оттаеш, тоабаш шоайла бувзам лелабеш хила езар белгалдеш.
Кхаь дийнахьа доакъашхоша шоай говзал йоаржайир, иштта байзар шоаш санна уйла е ховш бола новкъостий. Цига хьаийца балха говзал царна накъаяргья дIахо лоӏамхой уйлаш кхоачашъеча, гӏончий болама юкъе керда доакъашхой а боахаш.
