Шийна доал мишта дергда дийцар дешархошца
Моллагӏча моттиге шийна доал дар мишта хила деза хьалхадоаккхаш йола «Лоархӏаме къамаьл» яхача оагӏонцара аргӏанара кхетаче дӏайихьар берашца, студенташца. Хьехархоша дешархошца дийцар моллагӏа цхьа лоархӏаме хӏама долча хана: экзамен яле а, яхьаш яле а, е дуккхача наха хьалхашка къамаьл де дезаш оттае а - кхераш, цхьа сатем байна, сагота хьовзар вай дегӏа оамал йолга, из моллагӏчунца хулаш хӏама долга. Къонабарашта хьалхадаьккхар ишттача хьале шийна доал дар мишта хила деза.
«Цу тайпарча оамалий бахьанех дийцар дешархошка. Иштта болх нийсбелча, мишта хьовза веза белгалдир хьехархоша. Геттара веха, корзагӏваьнна кхестаргвоацаш, де дезар фуд хьалхадаьккхар кхетаче», - дийцар «Сердалога» дешареи ӏилмани гӏулакхех йолча министерстве.
Тахан кагирхой тайп-тайпарча яхьашка, кхетаченашка, олимпиадашка дакъа лоацаш хул, цудухьа чӏоагӏа лоархӏаме да иштта йола кхетаченаш царца йоаржаяр.
Хьехархоша белгалдир, цхьа кӏеззига сагота хьийзавар аьнна зене доацилга, лоархӏаме да тӏехваьнна веха, корзагӏваьнна цахилар. Хӏаране хаттар доашхаш, вахара наькъ тӏа царна накъадаргдарех дувцаш, дӏаяхар кхетаче.
