Наьсарен кхален дешархошца хьехамий ди дӀадихьар
Боахамашта юкъерча комиссе болх цхьана дӀабахьара чудоагӀаш, ГӀалгӀайчен Наьсарен кхален администраце кхувш боагӀарий гӀулакха йолча комиссе, ПДН инспектораша цхьана вӀашагӀделлар Эккажкъонгий-Юртарча №5 йолча ишколе болх дӀабахьар. Из лаьрхӀа бар кхувш боагӀарашта тӀахьожам бара, царна харцахьардараш хьалхадахара, иштта кхерамзле лораяра хьал царна довзийтара.
«Дешархошца къамаьл деш, говзанчаша дийцар Интернете гӀолла долча кхерамзлен хаттарех. Берий терко тӀайохийташ дар вахара бувзамашка шоай йоазош цадитар, малав ца ховча сагаца бувзаме цадалар. Къаьстта терко тӀаяхийтар гӀир йоалла хӀама цалелаяра. Дешархошта иштта дийцар унзарча онлай-ловзарех, уж берашта чӀоагӀа Ӏаткъаш хиларах, уж тӀахьийхар цу тайпарча ловзарашка дакъа лоацаш ма хила, аьнна», - йоах «Сердало» газетага Наьсарен кхален администраце зарбан болх лелабераша.
Юххера а, къамаьл чакхдоалаш, говзанчаша цӀаькха а берашта хьалхадаьккхар, сакхетам болаш, кхерамзлен бокъонаш йовзаш хилар. Из болх вӀашагӀбеллараша иштта тӀахьийхар бераш, массайолча моттигашка терко тӀайодаш, фийла хилара.
