1,2 эзар бахархой пенсионни бокъонаш тохкаш хилар мехкара Вахара ганз
Пенсе болхарашта хьалххе кийчо е гӏо даьд вай мехкарча Вахара ганза оагӏоно, ер шу доладелча денз, 1200 бахархошта. Ганза болхлоша хьалххе деррига каьхаташ гулдаьд къахьегама стажаца, алапеца, «страховой взносашца» дувзаденнараш тохкаргдолаш. Цу балхо пенси ханнахьа, гоа ца деш, хьадоладолийтаргда. «Сердалога» из хоам бера мехкарча Паччахьалкхера.
«Къоаналца дувзаденна «страховой пенси» доладалара массехк бахьан да тахан. 1962-ча шерара маӏа нах 64 шу даьнна хила беза, 1967-ча шерара кхалнах - 59 шу даьнна, 15 шерал кӏезигагӏа «страховой стаж» йоацаш, 30 «пенсионни коэффицент» йолаш.
Из гӏулакх сага ше тахка йиш йолаш да, Госуслуги яхача оагӏонга гӏолла ИЛС хьал дайза. Цу каьхата тӏа латташ хургда къахьегама шерашца, «пенсионни коэффиценташца», эскаре амал дарца, берашка хьожаш хиннача ханаца, болх бе могаш боацарашка хьожаш хиннача деношца дувзаденнараш», - дийцар тха газетага.
