Гӏалгӏайчен Кулгалхочун кхетаче хилар СКФУ ректорца
ГӏР кулгалхочун Келаматанаькъан Махьмуд-ӏаьлий кхетаче хилар Къилбаседа Кавказа федеральни университета ректорца Шебзухова Татьянайца, яхаш, дийцар «Сердало» газетага республикан кулгалхочун зарбан болх лелабераша.
Цар дийцар болх бе ховш бола нах кийчбара даькъ тӏа шоайла бувзам лелабарах, иштта республика дегӏайоалаяра керттерча ӏилман хаттарех.
«СКФУ Къилбаседа Кавказа керттера федеральни университет я, цига тахан дешаш ва 25 эзар студент. Царна юкъе вай кагирхой а ба. Тӏехьарча хана из университет яьккхай Гӏалгӏайчен 300 студента.
Татьяна Александровнас белгалдир, тахан дешара наькъ тӏа студенташ бахара хаттараш. Цар тӏехьагӏа болх бергболча даькъ тӏара дешара оагӏув царна йовзийта езаш хилар, уж тӏаккха хургба эшаш а, цига балха говзал йола къахьегамхой кийчбе а таро хургья», - аьлар Макшарипа Махьмуд-ӏаьлас, ше цу кхетаченах дувцаш.
Мехкадас дийцар дика цӏихезача вуза ректорга, республике тахан кхоачашъеча проектех. Иштта дийцар, республикан ӏилман оагӏув, дикача болхлой таро тоае езаш хиларах.
Цу лоархӏамеча гӏулакхе, СКФУ могаду хоадам бола наькъаш - АПК дегӏайоалаяра, туризма, промышленноста, энергетикан даькъ тӏа. Из да пайда эцаш, технологеш лелаяр, лакха говзал йола болхлой кийчбар.
«Цига дийцар дӏахо болх дӏабахьарах, Кавказа инвестицей кхетаченна чудоагӏаш, балха тӏа бувзам лелабарах. Баркал оал Татьяна Александровнайна цу вӏашагӏкхетарах, университете со вехарах», - аьлар Макшарипа Махьмуд-ӏаьлас.
