Следкома болхлочунна майдилг елар, СВО доакъашхошта гӏо дарах
СВО бӏухошта дика новкъостал дарах, Гӏалгӏай мехкарча Россе Тохкама комитета юкъарлон-политически болх лелабара даькъа кулгалхочун гӏонча волча Горчхананаькъан Ӏумара «Лаьрххӏача тӏема операце доакъашхошта новкъостал дарах» яха майдилг елар. Из совгӏат далара хьал хьакхеллар вар Гӏалгӏай Республикан Кулгалхо.
Из совгӏат тохкама урхаллен болхлочунна дӏалуш вар «Россе эпсараш» яхача юкъарча цхьанкхетара Гӏалгӏай моттигерча даькъа кулгалхо Галай Руслан.
Из даларо хьагойт цун граждански бехктокхам лакха хилар, цо лаьрххӏача тӏема операце бӏухошта даь новкъостал лоархӏаме хилар.
Юкъарлон викалаша, балха новкъосташа белгалду, Горчхананаькъан Ӏумар, сага дикагӏа йола оамалаш хьагойташ хьавоагӏарех хилар, профессиональни дикал а лакхача боарам тӏа йолга. Цо балха декхар, юкъарлон гӏулакхацва дика тарду.
