Даькъастен Россеташа», 2026 шу доладелча денз, ялх ахархой моттиг дӏахеттай токах
«Даькъастен Россетий» - «Игушэнерго» филиала болхлоша, 2026 шу доладелча денз, токах дӏахеттай юртбоахама ялх моттиг. Царна дӏеннача тока юкъара боарам ба 705 кВт.
Ахархой керда моттигаш я Илдарха-Гӏалий тӏа, Магӏалбика кхале, Эбарга-Юрта, иштта гаьнарча лоамашта юхерча Галашка.
Дукха боккха боаца тока боарам – 400 кВт – энергетикаша белар Магӏалбика кхалера керда сомий беш дегӏакхувлара. Цхьаькха лоархӏаме проект ӏалашъеш 150 кВт ток елар юртбоахама бийдал чакхъяхара Илдарха-Гӏалий тӏа хьалъеш латтача завода.
«Ший ханнахьа юртбоахама моттигаш токах дӏахоттар тха керттерча декхарех цаӏ да. Ахархой токаца ӏалашбарца, оаха ӏалашъю Гӏалгӏайчен кхачан кхерамзле, безамегӏа ду инвестицей хьал, гӏо ду керда балха моттигаш хьае республике бахача наха», - белгалдаьккхар «Даькъастен Россетий»-«Ингушэнерго» филиала директора Котаганаькъан Кимрана.
Ала деза, «Россеташ» яхача Тоабан компенешка гаьнара дехарий бувзам оттабе йиш я. Цу даькъе я – доалахьара кабинет, из я Портал – ТП. РФ сайта тӏа, цунга гӏолла шоашта эшшача боараме ток чуйиллара дехар хьадайта мегаргда.
