Москверча Гӏалгӏайчен, Гӏаьбартой-Балкхарой массазарча викалаша бувзам чӏоагӏбу
Российски Федераце Президента балха чувоагӏача Гӏалгӏайчен массазарча викала Оздой Муслима кхетаче хилар, Гӏаьбартой-Балкхарой Респубикан викалца Бекишев Ратмираца. Москве дӏахьош хинна мехка шин оагӏон кхетаче лаьрхӏа яр шоай моттигашта юкъера къамаьл дӏадахьара, балха тӏехьа бувзам лелабара.
«Из кхетаче дӏахьош, цар дийцар шин оагӏорахьара гӏулакхаш барт болаш леладара хьалах, балха юкъера бувзам лелабарах. Къаьстта терко тӏаяхийтар шоайла бувзам лелабара, Даькъастен хьашташ цхьана гойтара, - аьлар «Сердало» газетага Гӏалгӏайчен викала балха фусаме.
Цар иштта белгалдир, цхьана дагабоалаш болх дӏахьош хилча; культуран, юкъарлон, экономически проекташ дика кхоачашъе таро йолга. Цар барт бир Гӏалгӏайчен, Гӏаьбартой-Балкхарой мехкий массазарча викалий бувзам лелабара хьакъехьа.
