«Дошо гӏала» фестивала чуйоагӏаш, Жӏайрахье мехкагадаккхара кхетаче хилар
Гӏалгӏайче дӏахо ший болх дӏахьош я «Дошо Гӏала» яха Халкъашта юкъера Xӏӏ-гӏа фестиваль. Цун кхетаченаш дӏахьоча хул «Даьхен лорабой» ганза моттигерча филиала болхлой, лаьрххӏача тӏема операце ветеранаш, иштта бейнача бӏухой гаргара нах. Фестивала кхетачен теркама юкъе дар кинематографе сюжеташ хинна дӏаотташ дола боккъонца хинна наьха истореш.
«Къаьстта терко тӏаяхийтар Даьхен бӏухой дагалоаттам лорабара. Жӏайрахьа культура Цӏагӏа дӏайихьар «Вай цаӏаш да» яха культуран-мехкагадаккхара болам. Цун хьаьший хилар СВО доакъашхой, бӏухой дезал, Погранични урхаллен викалаш. Хьаьшашта лаьрхӏа программа кийчъяьяр, цига гойтар Сийлахь-боккха Даьймехка тӏом бувцаш йола советски кинолента оагӏонаш», - аьлар «Сердало» газетага ганза моттигерча филиале.
Цу тайпара кхетаченаш дӏахьош я республикан итташ йолча культуран майдаш тӏа. Бӏухой, цар дезалаш, республикан бахархой хьажа йиш йолаш ба Москверча, Санкт-Петербургерча режиссёрий, иштта доазол арахьарча авторий ловзара а документальни а кинога.
