Илдарха-Гӏалий тӏа хьежар, керттера хин турбаш чуйоахкаш дӏахьош болча балхага
Илдарха-Гӏалий тӏа дӏахьош ба хин турбаш чуйоахкаш болх, из Эса хий чулацара дӏахьош болча балха цхьа дакъа да. Цигара болх мичахьа кхаьчаб ха ловш, вахар шахьара администраце кулгалхочун гӏонча Жандиганаькъан Азраил, доал дара даькъ тӏарча юкъарлон совета кулгалхо ӏалбакханаькъан Ювназ, моттигерча юкъарлон болхло Пхьиленаькъан Амир. Уж хьежар цу доазонга, цу тӏа деш латтача балхашка, цигарча болхлошца дийцар, цу проекта чудоагӏаш, дӏахо дӏадахьа дезача балхех.
«Сердало» газета хьалха яздаь ма хиллара, Оалкама беш латт 100 эзар кубометр ден-бус хий лоаттадергдола гӏишло хьалъю болх. Хий лоаттаду никъ бӏаьха хургба 90 км, цунна чуйоагӏаш я Оалкам, Илдарха-Гӏала, Магӏалбик. Из моттиг ший белггала йолча лаьттан даькъ тӏа уллаш хиларах, цига дукха насосашка болх байташ низ бе ца безаш, хий лоаттадеш атта хургда. Цо таро лу цу даькъ тӏа дӏадодар лорадеш, лакха дикал йола хий бахархошта лоаттаде.
Из моттиг хьалъяь яьлча, республикан хица ӏалашо яра хаттар деррига а хӏана дац аьнна кхоачашде таро хургья, кӏезиг-кӏезига къаьнара гӏирсаш дӏа а доахаш, хин турбаш кердаяхара болх хӏанз дӏахьош ба.
