Йоккхача Ачалкхера 300 метр никъ эргабоаккхаш латт
Йоккхача Ачалкхера Бахмарзанаькъан урам тӏа никъ тоабара балхаш дӏадоладаьд. «Сердало» газетага Магӏалбика кхален администраце дийцачох, тоабеш латтача наькъа дӏоахал да 300 метр. Карарча хана кӏийле кийчъяьй хургболча наькъа, кӏалха жагӏеи гӏуми йилла. Цу технолгически балхо чӏоагӏъяьй наькъа кӏийле, дӏайикъай нийса йоаца моттигаш, бахархошта а автортранспорта а прагӏатагӏа даьд новкъа лелар.
Дувцаш дола балхаш деш да, массазарча наькъаш тоадара балхашта чудоагӏаш. Никъ тоабара керттера декхар – юртарча хӏара сага вахар аттача даккхар, бахаш йола моттиг безамегӏа хилийтар.
Муниципальни моттига администраце яхачох, аргӏ-аргӏагӏа наькъаш тоадар, кхален нах баха моттигаш дикагӏча оагӏорахьа эргаяхар керттерча декхарех цаӏ да, из дӏахо дӏахьоргда.
