Тохкама комитета болхлочо ГӏалгӀайчен кадетий класса дешархошца къамаьл дир

«ГӏалгӀай Республике гӀолла йолча Россе Тохкама комитета каст-каста кхувш боагӀарашца хьехам луш бола болх дӀахьу. Цу кхетаченаша таро лу берашта дувца шоай балхах, бокъонех»,- аьлар хоамо.

Кхетаче хилар «Гӏажарий-Юртарча №3 йолча юкъерча дешара» ГБОУ. ДукхагӀа долча берашта дайзар Тохкама комитета хӀара денна кхоачашдеш дола декхараш, тохкама балха даькъ тӀара бокъонаш, кхыйола балха оагӀонаш.

Берашта дийцар тохкама болхлоша дӀахьоча балхах, кӀоаргга чулоацам болаш. Къамаьл деш, дийцар кхувш боагӀача кагирхоша бокъонаш телхаеш хиларах, уж закона хьалхашка бехктокхаме хиларах.

Иштта цига белгалдир Интернете гӀолла деш дола къамаьлаш, йоазош терко еш хила дезарах, тайп-тайпарча моттигашка кагирхой лоралуш хила безарах. Берашта хьалхадаьккхар Тохкама комитете балха отташ хилча эшар фуд, царна ха дезар дӀахойодача хана малагӀа да.

Царна иштта довзийтар ГӀР гӀолла йола Россе СК тохкама урхалленца ден-бус болх беш йолга «бер кхерама кӏал да» яха телефон: 8-8734-55-03-05, иштта «тешама телефон»: 8-8734-55-04-67.

Кхетаче дӀайихьар берашта пайда луча хьале.