«Хьу лораергья» яха болам хьаллаьцар МЧС болхлоша
25.10.2024 09:14
«Лорае хьунаш» яха ерригача Россе болам хьаллаьцар вай мехка. Цу беркатеча гIулакха юкъебахар Россе ГУ МЧС республикера къахьегамхой. Эккажкъонгий-Юртарча № 5 йолча ишколан коа дIаегIар 250 къахььэсте, кIарцхала гаьнаш.
«Iалама гIулакх тоадара тIехьа дIахьоча боламе дакъа лаьцар оаха тахан. Теша лов, еррига къона гаьнаш дIалатаргхиларах. Цу беркатеча гIулакхо хьагойт, Дала хьаденнача хозача Iалама хьал тоадеш хилар, мел лоархIаме болх ба», - дийцар тхога МЧС ГУ кулгалхочун гIонча волча Котанаькъан Ахьмада.
Республикерча моттигашка таханарча дийнахьа дIаегIараш 450 совгIа га я, дIайогIа лаьрхIа еррига гаьнаш 2000 совгIа я.
