ГӏалгӀайчен МЧСа болхлоша дӀахо къахьег, Керчера хий цӀендеш
ГӏалгӀайчен МЧСа болхлоша, Россе МЧСа тоабанна чубоагӀаш, дӀахо а дӀахьу фордах хоттаденна хий мехкадаьттан бийдалах цӀендара болх Керченский оалача моттиге, яхаш, дувц «Сердало» газетага цу боахама зарбан болх лелабераша.
Белгалду, болх дӀаболабича денз, 673,3 километр форда тӀара доазув цӀендаьд, цигара дӀайихьай 167 эзар тонн бӀехача гӀомара гурматаш.
Анапа-Шахьара курорта хин доазон тӀа Темрюкски кхален шоайла хоттаенна болх беш йолча хин тоабаша хӀара денна Ӏаьржача форда бухера мехкадаьтта хьалдоах. Цу гӀулакха водолазаш 9 241-зза хин кӀалха баьннаб.
ЛаьрххӀа йолча аппараташца техкад 7, 4 эзар совгӀа кв.м Ӏаьржача форда кӀийлен доазув. Цу юкъа гулдаьд 500 тонн хий бӀехдаь хӀамаш.
Цу тайпара балхаш дӀахьош да Краснодарски края, Крыма, Севастопола доазонаш тӀа.
Юкъера хьаийцача, дӀадихьар 849,73 тонн да», - аьлар «Сердало» газетага ГӏалгӀайчен МЧСе.
