Ӏалама Министерствон болхлой дакъа лоацаш хилар цӀий дӀалуча
Бекарга бетта 20-ча дийнахьа дӀахьош дола цӀий дӀадалара къаман ди, Республикан цӀий дӀалуча станце болхлоша боккха болам дӀахьош белгалдир, из дӀадоладеннадар цхьа кӀира хьалха. Цу юкъе дика дакъа лоацаш хилар, кхыча вай бахархошца цхьана, ГӀалгӀай Республикан Ӏалама Министерствон болхлой, яхаш, дийцар цу боахама зарбан болх лелабераша.
«Ӏалама Министерствон болхлоша цӀий хьалхара дӀалуш дацар, цар массайолча хана дика дакъа лоац цу денна юкъе. Укх массехк шера, ерригача цӀий дӀалуча акцешка дакъа лоацаш хьабоагӀа уж, царех цхьабараш, цу дийнахьа хинна а ца Ӏеш, каст-каста цӀий дӀалуш ба.
ӀИз дӀалуш хиларо, кхычарна новкъостал деш хиларал совгӀа, ший могашал лорае а таро лу. Из да цӀий дӀадаларах пайда боалаш хилар чӀоагӀдеш дола цхьаькха а масал.
Шоай хозача гӀулакхаца, гонахьара Ӏалам лорадеш болча болхлоша хьагойт, шоаш Ӏалам лорадаь ца Ӏелга.
