Мехкарча СМК доакъашхой шоай говзал лакхъеш ба
16.03.2026 09:20
Ерригача Россе командно-штабной балха юкъе дакъа лоацаш хилар, вай мехкара хатар хиннача сиха оарцагӏъухаш бола лораш.Из хоам «Сердалога» бир цу оагӏонцарча министерствос.
«Шолжа, Жӏайрахьа кхале дӏабихьар из болх. Шолж яха хий цӏаьхха айдалара юкъе нийсбеннарашта гӏо де дезаш хилар уж эггара хьалха»,- йоах тхога бенача хоамо. Цу хатара юкъе нийсбеннарашта хьалхара гӏо де, МЧС болхлошца кхераме йолча моттигера уж арабаха безаш бар сиха оарцагӏъухараш. Шоллагӏча даькъаца дар, Жӏайрахьа ӏалама моттигашка яьнна цӏи дӏа-хьа цаяржийтар.
Белгалде деза, мехкарча Минздрава хатар хиннача оарцагӏъухарий тоабан доакъашхой массахана шоай говзал лакхъеш болга. Из геттара чӏоагӏа лоархӏаме да цар дӏахьоча гӏулакхаца.
