Гӏалгӏайчен МЧС болхлой берашта хи тӏара кхерамзле ӏомаеш ба
Магасе хьехама кхетаче дӏайихьар, Гӏалгӏайче гӏолла йолча Россе МЧС болхлоша дакъа а лоацаш. Цу боахама викалаша 10 шу даьнна бераш ӏомадир хин моттигашка кхерамзле хургйолаш бокъонаш лелае. Из кхетаче дӏайихьар Пхьарчанаькъан Мухьмада цӏерагӏча стадиона тӏа, цига болх беш я берий ахкан салоӏа майда.
«Говзанчаша берашта довзийтар хин йистера кхераме хьал, царна хьалхадаьккхар цох мишта лоравала веза. Керттера терко цар тӏаяхийтар саг кӏалхарваккхара. Цӏаьхха, саг хиво ӏохьош хуле, хьалхарча аргӏагӏа де дезар белгалдир, иштта дега массаж ю говзал йовзийтар», - аьлар «Сердало» газетага Гӏалгӏайчен чоалханеча хьала боахама зарбан болх лелабераша.
Уж кхетаченаш дӏаяхьара бахьан да, ахкан салоӏа ха йолаш, бераш хих лорадар. Кӏалхарбоахараша берашта новкъостал ду, зӏамига болча хана денз, из оамал хьаэца.
