Дӏакъовлаенна ниӏ хьаеллаш, гӏо дир Магасе МЧС болхлоша
22.04.2026 10:56
«Служба 112» яхача оагӏон болхлошка бийсан Магасера хоам бера, Малсаганаькъан цӏерах болча урамерча цӏагӏа, кхалсаг чухьа юсаш, ниӏ дӏакъовлаеннай, аьнна. «Сердалога» из дийцар МЧС. «ПСО «Аьрзе» сиха оарцагӏъухача болхлоша шоай гӏирсашца ниӏ хьайийлла, кхалсаг араялийтар», - йоах тхогарча хоамо.
Белгалде деза, МЧС къахьегамхой хӏара денна шоай балхацара кхетам лакхбеш къахьегаш болга. Хӏара денна оарцагӏа аха безаш хул цар, лифта ниӏ хьа ца еллалуш бисараш арабаха, наькъашка хатар хиннача, цхьаццанахьа халача хьале этта хьайбаш кӏалхардаха, иштта кхыдолча гӏулакхашта а.
