АПК къахьегамхой ӏан заман балхаш дика чакхдоахаш ба
Гӏалгӏайчен юртбоахама предприятеш, фермерски боахамаш ӏан зама дика дӏахьош да, яхъаш, дувц «Сердало» газетага ГӏР Кулгалхочун зарбан болх лелабераша.
«Юрбоахама болх дика дӏабахьа таро хилар, хьалххе а доакъарца ӏалашо яь а, кхыдола юртбоахама гӏулакхаш даь а хиларах. Юкъара дӏалаьрхӏача 105% ӏалашо яьяр хьайбаш ӏангара дахара, цудухьа арахецаш бола кхача лаьгӏ ца беш, из болх дика дӏабахьа вӏаштӏехьдаьлар», - аьлар республикан кулгалхочо Келаматанаькъан Махьмуд-ӏаьлас.
Мехка ӏаьдало а боахамаша а цахаддаш болх дӏахьош хиларах, дика дегӏайоагӏаш я агропромышленни комплекс. Цул совгӏа, юртбоахама моттигашта паччахьалкхено а дика новкъостал лоаттаду. Цу дерригане а таро лу толамаш даха: доахан тӏакхетар - 77 эзар, жа - 354 эзар совгӏа.
Республике тахан арахецаш ба наха эшаш бола кхача. Иштта цу даькъ тӏара хьокхамаш: 158, 8 эзар тонн шура, 19,6 эзар тонн дулх, 29 9 млн фуаш.
Карарча хана ГӏР юртбоахама къахьегамхой, ха ца йоаеш, кийчо еш ба бӏаьстан балхаш дӏадахьа, хьайбаш леладара даькъ тӏара хьал дӏахо дегӏадоаладе.
