Гӏалгӏайчен шин кхале дӏадийнача ялатага хьежар, из гӏулакх довзараш
Республикан Шолжа, Магӏалбика кхалешка цхьана дӏабихьар дӏадийна ялат мишта хьатӏадаьннад хьожаш болх, яхаш, дийцар «Сердало» газетага ахархой боахаме.
«Балха тоаба кулгал деш хилар Гӏалгӏай Республике гӏолла йолча «Россельхозцентр» оалача ФГБУ филиала кулгалхо Белхарой Макшарипа Керма. Цунца цхьана бахар цун гӏонча Галай Ш., баьцовгӏаш лораяра даькъа говзанча Балкхой Х., иштта Гӏалгӏайчен юртбоахама Министерствон викал - баьцадаараш леладара гӏулакха кулгалхо Оздой З.», - аьлар хоамо.
Цу балха керттера декхар да дӏадийна ялат дика хилийтар.
Ахархоша, болх бовзараша белгалйир кхо оагӏув: дӏадийна ялат мегаргдолаш е дика хилар, из юха дӏаде йиш йолаш хилар. Цу тӏа кхы а фитосанитарни хьал миштад хьежар, - хургбола хьувкъам кӏезигӏа бергбола лазар а кхыйола чоапилгаш а латайий тохкаш.
Цу тайпара болх дӏабихьачул тӏехьагӏа, хӏара боахама адресах де дезар хьалхадаьккхар. Цар юкъедоаккх баьцовгӏаш лораеш дола хьал, иштта хувцамаш а доах балха юкъе. Цо таро лу республикан юртбоахама даькъ тӏа хургдола зе юхатоха.
