НийкоатӀе яхача, гӀалаш ягӀача моттиге тохкамаш ду
ЖӀайрахьа-Ахабоарзен музее, лоаман гӀалай моттигашка тохкамаш деш бола болх ба дӀахьош. Хьуле уллача НийкоатӀе яхача гӀалай доазон тӀа болх дӀахьош хилар «АСМ групп», музея болхлой.
Музея зарбан болх лелабераша белгалдечох, истореца ювзаенна моттигаш я цу доазон тӀа. Царна юкъе я хаьрца гӀалаш, кхерах яь моттигаш, бусалба наьха кашамаш. Иштта, бӀаьшерашка денз, цӀена хий лоаттадеш бола хьаст боалл цига.
«Белгалде деза, царна юкъера цхьайола моттигаш паччахьалкхен оагӀонца чӀоагӀъяь латташ йоацилга, цудухьа истореца ювзаенна еррига моттигаш каьхаташца чӀоагӀъяь хургйола болх дӀакхухьаш ба цига. ОКН цига мел дар дӀаяздар чӀоагӀа лоархӀаме да. ХӀара хӀама ший лерхӀам болаш хилийтара, эшаш да из. Укх шера лоамерча 30 гӀаланца бувзабенна дӀабихьаб цу тайпара болх», - дийцар музея болхлоша.
