Вай мехкарча «Бералла наькъаш» яхача оагӏон болхлой Москве ӏомалуш хилар
Региональни моттиггай болхлошта лаьрхӏа йола Ерригача Россе семинар-кхетаче ший болх чакхбоаккхаш хилар селхан Москве. Шоллагӏча дешара оагӏон тоабан юкъе бар берий даьшца, ноаношца болх дӏахьош, бувзам лоаттабеш бола къахьегамхой. Царна юкъе бар вай мехкарча «Бералла навигатораш» яхача оагӏон доакъашхой Янднаькъан Арсен, Гӏоандлой Хадижат, Гӏоандлой Ася.
«Массехк дийнахьа боккха чулоацам бола дешара программ йовзаш хилар уж Москве. Тоабанцарча, иштта кхыйолча сессешка дакъа лоацаш, пайдане хургда аьнна хетараш дӏа-хьа эцаш дӏайихьар цар ха. Тахан латтача ханага хьежжа шоай болх дӏабахьарца эггара керттерадараш малагӏаш да кхетадир цар», - йоах «Сердалога» мехкарча Ерригача Россе «Бералла навигатораш» яхача проекта болхлоша.
Цу кхетаче хьаийцараш, теркалдаьраш шоай болх дикагӏа тоабе наькъадаргда царна. Берий юкъарлон оагӏон моттигашка къахьегаш болча кулгалхой гӏончий балхаца накъадаргдараш, дикка пайда бергбараш теркалдир цар цига.
