«Къонгаш бовча хана» яха трагеди Гӏалгӏайчен культуран дикагӏа йола белгало я
Гӏалгӏай паччахьалкхен Боазаркъанаькъан Идриса цӏерагӏча драматически театра кхоллама тоабо ше дӏа-юха яхача гойт спектаклий цхьацца дола доакъош, царна юкъе я гӏалгӏай литературан классика Чахкенаькъан Саӏида пьесах оттаяь «Къонгаш бовча хана» яха патриотически драма. Из проект хетаяь я шин моттига: Сийлахь-боккхача Даьймехка тӏема Коталон 81 шу дизара, иштта Россе халкъа цхьоагӏон Шу хилара. Из Гӏалгӏай культуран вахаре лоархӏаме моттиг дӏалоацаш я, турпалхоех бола дагалоаттам лелабеча къаьстта а.
«Шин кӏира тхо даха хилар республикан ишколашка, колледжашка, культуран цӏеношка. Спектаклага хьожаш бар кагирхой, студенташ, дешархой.
«Къонгаш бовча хана» яха пьеса - из да Сийлахь-боккхача тӏемах лаьца дола кӏоаргга дувцар, наьна дог лазар, денал, къаман чӏоагӏо я цо гойтар. Турпалхой вахарга гӏолла исторически дагалоаттам, дӏаяха турпала ханаш дагалоаттаяр, шоай мохк безар гойт цунга гӏолла. Цу тайпара спектаклаш кагирхошта гойтар лоархӏаме да. Тӏема заман денал, эхь-эздела оагӏонаш вӏашагӏтехе хьахул бахархой бехктокхам, шоай къаман истори довзар, из лархӏар», - аьлар «Сердало» газетага театре.
Цо дийнъю исторен оагӏонаш, театр къаман ӏадатий керттера кӏийле я.
