Гӏалгӏайчен Парламента Кулгалхочо даькъалабийцар автоинспектораш цар юбилейца
Гӏалгӏайчен халкъа Гуллама кулгалхочо Тӏумхой Мухьмада даькъалабийцар Паччахьалкхен автоинспекце болхлой, ветеранаш. Уж тахан шоай профессиональни, из боахам хьакхелла 90 шу дузаш хиларца дувзаденна цӏай дездеш бар.
«Оаха баркал оал Госавтоинспекце ветеранашта, гӏашлой, водителаш лелара культура хьакхолларах, цар хьагойтар лакха профессиональни боарам, царца нийслуш дӏадолх тахан керда ноахалаш. Вай заман хила деза технически хьалаш дегӏадоаладеш, кердадараш балха юкъедоахаш къахьегаш хьабоагӏа паччахьалкхен инспектораш. Дӏахо а иштта толам баккха аьттув хилба цар, дезалера йӏовхал, дика мел дар хилда!», - йоах Гӏалгӏайчен парламента спикера ловца тӏа.
Дукха шераш да ГАИ-ГИБДД болхлой, наькъашка лелара бокъонаш лораеш, ӏалашо еш, ха тӏа латта. Тахан Гӏалгӏайчен наькъий хьал дегӏадоагӏаш да - керда таронаш хьаеллаш я, совйоалаш йоагӏа транспорт. Цо хьаелл мехка экономика дегӏайоалаяра керда таронаш, цунца цхьана наькъа полицена хьалхашка декхараш а оттаду. Цар сий долаш дӏахьу шоай атта доаца гӏулакх.
