Мехкара кагий нах, мехкарий къоначар Денца даькъалабийцар Парламента спикера
Халкъа Гуллама спикер волча Тӏумхой Мухьмада кагирхой Денца даькъалабийцар республикера кагий нахи мехкарийи. Уж доккхача толамашка кхачара тӏехьа дикка къахьегаш хилар теркалдир цо.
«Лакха начӏал, хьинар долаш, доккхача дикашка кхача ловш ба тахан вай къонабараш. Аз доаккхал ду царех, баркал ала лов! Вахара оагӏонцара, кхоллама проекташка гӏолла, гӏо деш хиларца; дешарца, ерригача Россе яхьашка вай республика дӏайовзийташ толамаш дахарца къахьегаш да шо. Шо - къаман сийрда кхоане. Мехкарча экономикан, ӏилман, культуран, дешара оагӏонцара гӏулакхаш тоаде деза нах да шо. Къаьстта баркал ала лов тахан Даьхенцара лерхӏам чӏоагӏбеш йолча проекташка дакъа лоацарашта, тӏема доакъашхой дезалашта, дог ийшарашта новкъостал де хьожачарна, цар оагӏув хьаллоцарашта», - белгалду Тӏумхой Мухьмада.
Къаман вахарера лоархӏамедараш лорадар эггара хьалха къонабарашкара хьадолалуш долга теркалдир Халкъа Гуллама кулгалхочо. Хӏаьта мехка кулгалхой тахан, боккха болх дӏахьош, къахьегаш ба къонача тӏехьен вахара денош сийрдагӏа, паргӏатагӏа хилийтара тӏехьа, цар оагӏув хьаллоацаш, толамашка кхача гӏо деш.
