U-20 дунен чемпион хилар вай мехкарча спортсменах
05.09.2024 13:01
U-20 яхача яхьашка 82 кийла дозал дарашта юкъе дунен чемпионате доша майдилг яьккхар «Ади-Ахмад» яхача клуба доакъашхочо. Из хоам «Сердалога» бу спорта гӀулакхех йолча Министерствон зарбан болх лелабераша.
«Туркий мехкарча спортсменагара, чот 9:3 хулаш, котало яьккхар Йовлочо», - йоах тхогарча хоамо.
Эллиной-румий оалача латарах йола чемпионат дӀайихьар Испанерча шахьаре Понтеведре.
