Шолжа-Гӏалий тӏа кийчо еш ба Яндарера спортсменаш
07.07.2026 11:45
Шолжа-Гӏалий тӏа кийчо еш ба тахан Яндарерча «Чемпион» яхача ФОКа спортсменаш. Из хоам «Сердалога» бера спортшкола зарбан болх лелаберашкара.
«Нохчий республике кийчо еш ба вай спортсменаш, укх бетта 1-ча денгара 11-ча денга кхаччалца. Кастта хила езача яхье дакъа лаца дезаш ба Хамхой Рахьим, Йовлой Мухьмад-Башир, Боканаькъан Ислам, Султиганаькъан Мухьмад, Гадаборшанаькъан Имран», - дийцар тхога ФОКе.
Къонача спортсменашта лоархӏаме болх ба из тахан. «Кердача толамашка кхача, боаггӏача боараме кийчо е аьттув хилба вай спортсмений», - аьлар ФОКа болхлоша.
