Жӏайрахьа кхале хинна дов чакхдаьлар уголовни гӏулакхаца
Гӏалгӏайчен Жӏайрахьа кхале моттигерча бахархошта юкъе даьнна дов, уголовни гӏулакхага даьлар. Бокъонаш лораяра долча ӏаьдала болхлой хиннар мишта нийсденнад хьожаш ба.
Гӏалгӏайче гӏолла йолча Россе МВД «Сердало» газетага ма аллара, из нийсделар дӏабахача бетта. Шоайла къамаьл деш хиннача шин сага юкъе дов даьлар. Из геттара сиха ирделар, царех цаӏ дош алара тӏехьа саца лаьрхӏа хиланзар. Шийца дов даьннар кхеравара, цо цхьа аьшка хӏама бееллар, из ноанала цӏагӏа леладеча урса тара яр.
Из геттара кхерам тувса волавелар, ше качвахача сага. Тӏаккха шоллагӏчо, из шийна балийна валар гуш хиларах, ӏаьдал хьадийхар. Шийца дов даьннар вувргва яхаш корзагӏваьнначун духьала, РФ УК 1 д. 119 ст. уголовни гӏулакх хьадийллар (ве е унахцӏено толхае кхерам тувсар).
Хӏанз из ше вахача моттигера аравала йиш йолаш вац, лаьрххӏа йола бокъо йоацаш.
