2026-ча шера наджгоанцхой бетта, юртбоахама хьал малагӏча боараме да белгалдир мехка
Укх шера наджгоанцхой беттара юртбоахама оагӏонцара хьал малагӏча боараме латт дийцар «Сердалога» Къилбаседа Кавказстата. Дӏадахача шерга диллача малагӏа хувцамаш хиннад белгалду тахан.
«2026-ча шера наджгоанцхой бетта юртбоахама оагӏон ахархой, фермерски моттигий кхача, тахан латташ долча маьхашка хьежача, 1209, 4 млн сом ахчанга кхоачаш хул. Дӏадахача шера хинна хьал теркалдича 94,7%-га кхоач из», - йоах тхога бенача хоамо.
Дӏадахача шерга диллача, укх шера доахан 1,0%-га кхоачаш лаьгӏденнад, дӏалаьрхӏача 69991 хул уж. Хӏаьта коа тӏара оалхазараш 19,9% кӏезигагӏа да (387256). Жа, гаьзарий тахан 302526 таьрахь тӏа латт, дӏадахача шера хинна хьал теркалдича 0,8% кӏезигагӏа да уж.
2026-ча шерарча наджгоанцхой бетта мехка хьаяьккха шура 11521, 87 тонн я – лаьгӏъеннай 1,2%-га кхоачаш, хӏаьта фуаш дукхагӏа да – 3,3%, дӏалаьрхӏача 1860 эзар хул уж.
Дулха лаьрхӏа доахан, коа тӏара оалхазараш 1,2%-га кхоачаш да (918,24 тонн).
Ма дарра аьлча, базарашка, тикашка дӏадаларга хьежжа латт цу оагӏонцара гӏулакх тахан. Теша лов, 2026-ча шерара шоай декхараш мехкарча АПК боаггӏача боараме кхоачашдергхиларах.
