Ӏан шоллагӀча бетта кийча хургья 220 моттиг йола берий беш
19.09.2024 18:40
Болх бӀаьхбенна лаьтта ТӀой-Юртара берий беш, Даьла къахетамца, кастта ший наӀараш хьаелла кийча хургья. Вай Мехкадас Келаматанаькъан Махьмуд-Ӏаьлас белгалдечох, 220 бер тӀаэцаш йола берий беш 2025-ча шера Ӏан шоллагӀча бетта кийча хургья, ший хьалхара хьаьший тӀаэца.
«Цу юртарча наха чӀоагӀа сатувсаш йолча берий беша сеца лаьтта болх юха дӀаболабе, аьнна, тӀадилладар аз дӀадахача шера. ТӀой-Юрта 17 эзар совгӀа нах бах, дукха бераш да, хӀаьта болх беш цхьа берий беш мара яц.
Керда берий беш хьаелларо дикка аттачахьа доаккхаргда ноаной хьал, шоай аргӀа хьакхачарга хьежаш, хьалха санна дукха латта безаргбац наьха», - белгалдир вай Мехкадас. ГӀишлон балхаш тоадарах йолча программага гӀолла дӀахьош ба из беркате болх.
