ИнгГУ студенташта дийцар, шоай проекташта гранташ мишта яха еза
Гӏалгӏай паччахьалкхен университете балха кхетаче хилар республикан кагирхой гӏулакхех йолча Комитета кулгалхочун Пхьошанаькъан Заурбека, иштта «Роскагирхой.Гранташ. яхача ерригроссийски проекта болх лелабеча Бузуртанаькъан Мусай. Студенташта дийцар лоархӏаме хаттараш кхоачашдара йола проекташ паччахьалкхено хьаллоацаш хиларах.
«Кхетаче йолаш белгалдир балха даькъ тӏара хаттараш: мишта дагайохийта, вӏашагӏйолла еза проект. Къаьстта терко тӏаяхийтар гранташ эцачарна терко яра: ахчанца новкъостал дар, эксперташа хьаллацар юкъе а долаш, уж кхоачашъяра хьал хьакхоллара», - аьлар «Сердало» газетага кагирхой гӏулакхех йолча Комитето.
Пхьошанаькъан Зоврбика белгалдир, паччахьалкхено кагирхошта йоккхий таронаш луш хилар, цар шоаш лаьрхӏа дика гӏулакхаш чакхдахара, хӏаьта республикан кагирхой Комитет кийча я цу даькъ тӏа царна новкъостал де.
Из кхетаче дӏахьош шоайла дика къамаьл хилар. Университета студентий таро хилар дехараш оттадарца дувзаденна хаттарш дала хьашашка.
Цу балха чаккхе еш, из болх вӏашагӏбеллараша шоаш белгалдир, цигара хьаийца хьаькъал ИнгГУ студенташта кастлуш хургйолча гранта яхьашка накъадаргда Гӏалгӏайче дӏагойтара.
