Прокуратура юкъееначул тӀехьагӀа, студенткан пенси хьаделар
03.09.2026 17:03
ГӏалгӀайчен прокуратура юкъееначул тӀехьагӀа студенткан пенси ийдара бокъонаш меттаоттайир. Из яр, тӀехьа да воацаш йисарах доагӀа пенси ийдеш, яхаш, дийцар «Сердало» газетага ГӏалгӀайчен прокуратуран зарбан болх лелабераша.
«Магӏалбика-Шахьара прокуратуро белгала ма дарра, пенси хьа ца луш соцадаьдар 2025 шера кӀимарса бетта. Цун бахьан дар лакхарча дешара моттигера хьаенна справка законах йоагӀача кепара цахилар», - йоах хоамо.
Студенткан оагӏув хьаллоацаш, прокуратуро суде лоткъам чубелар. Судо хьаллаьцар тӀахьожамхой дош, цу лоткъамо яхар кхоачашдир.
Цу тайпара, тӀехьа да цахиларах цунна доагӀаш дола пенси хьадоладелар, цу юкъе хьалха хьа ца луш хьа мел Ӏайна 150 эзар сом а долаш.
