МЧС колледжа студенташца Даьхенцара безам чӏоагӏбу болх лелабу
19.02.2026 10:13
Шоай Даьхе езаш, лоархӏаш баха ӏомабу МЧС колледжа студенташ. Цу оагӏонца дувзаденнарех дувцаш, кхетаченаш дӏакхухь цига массахана.
«Укх наькъа колледже дӏайихьар «Даьхен турпалаш» яхача темацара лекци. Тӏема аренашка нийслуш долча хӏамаех, Даьхен хӏама лорадарах дийцар гулбеннарашта СВО ветерана, кагирхой гӏулакхех йолча комитета цу оагӏонцарча болхлочо Шоанахой Муслима.
Къаьстта терко йир цига вай истореца дувзаденнараш лархӏара, ший Даьхенцара безам чӏоагӏбара», - йоах тхога бенача хоамо.
Иштта йола кхетаченаш къонача тӏехьенца дӏакхахьар чӏоагӏа лоархӏаме, пайда боаржабеш да. Цу наькъаца дезалу къонабарашта шоай Даьхен истори, цун культура.
