Коталон Денна хетаяь, пескашца бургацах ловзара яхь хилар студентий
08.04.2025 10:20
Пескашца бургацах ловзарах Сийлахь-боккхача Даьймехка тӀем тӀа Котало яьккха 80 шу дизара хетаяь яхь дӀайихьар вай паччахьалкхен университето; культурах, спортах, туризмах йолча моттигаца. Из хоам «Сердалога» бир цу моттигера.
Пхьарчанаькъан М. цӀерах йолча стадиона тӀа дӀабихьар кхыча мехкашкарча студенташа дакъа лоацаш бола къовсам. Пхе тоабанна бекъабеннача студенташа шоай говзал , низ гойтар гулбеннарашта.
«Тха керттера декхар – пескашца бургацах ловзар (крикет) доаржадар; спорта, физкультуранна студенташ тӀахьехар, хӀана аьлча, спорт унахцӀено я, унахцӀено - вай Котало», - аьлар кагирхоша.
