ИнгГУ историкаш хургболча студентий архивера болх бовзар чакхдаьлар
Мехкарча университете историкаш болаш, шоллагӏча курсе деша студенташ паччахьалкхен архиве шоай дешарца лоархӏаме дола хӏамаш довзара тӏехьа ха дӏахьош хилар. Архиве дуккхача шерашка лорадеш долча лоархӏамеча каьхаташцара болх, иштта кхыдараш дайзар царна. Университете шоаша ӏомадаьр укхазарча балхаца дӏачӏоагӏде аьттув бар, кхоана историкаш хинна, мехка лоархӏамеча моттигашка къахьега лерхӏача студентий.
«Архивиста гӏулакх мел боккхача къахьегамах латташ да хайра студенташта. Архиве къахьегараша истореца, архиверча балхаца дувзаденнача хаттарех, ребусех латта кхетама хьал тохкаш йола программа кийчъяьяр студенташта», - йоах «Сердалога» мехкарча паччахьалкхен архивера бенача хоамо.
Дукха хӏама дайзар студенташта архиве ха дӏахьош. Аьттонца шоай дешара никъ дӏабахьа, дийша баьлча къаман пайдане болаш къахьега даькъалабийцар уж архиверча болхлоша. Исторически ӏилма довзара никъ боккха, шера ба, цунга хьежжа, историкаш хила лаьрхӏарашта ха дезараш а дукха да.
