«Завадски дешар» яхача кхетаче белгалбаьлар ИнгГУ лорий института студенташ
Мехкарча лорий института 4-ча курса студенташ Шайк Фероз, Дивьяни «Завадски дешар» яхача ӏилман конференце вай Паччахьалкхен университет дӏайовзийташ хилар. Ростоверча паччахьалкхен унахцӏенон университето дӏахьош болх бар из. «Хала унахо» яхача оагӏонца ингалсий метта дола шоай балхаш довзийтар цар. Дипломаш луш белгалдир цар дакъа лацар.
«Къаьстта доккха баркал аьлар студентий ӏилман кулгалхочунна – «Факультетски терапи» яхача кафедра йоккхагӏа йолча хьехархочунна Налганаькъан Макканна. Студенташ кийчбеш къахьегарах, баркал оалаш каьхат делар цунна. Унахцӏенон института музее дӏачулургда РостГМУ дипломаш, совгӏаташ», - дийцар «Сердалога» ИнгГУ зарбан болх лелабераша.
Кхетаче дӏахьош хиннараша доккха баркал кхайкадир ИнгГУ кулгалхошта, лорий института студенташ лакхача боараме кийчбарах.
