Лорий колледжа студенташ ба «Доккхий хувцамаш» яхача яхьа ах финале
ГӏалгӀайчен лорий колледжера хургбола унахцӏенон болхлой котало яккха яхьебаьлар «Доккхий хувцамаш» яхача Ерригроссийски ах финале. Дукха баллаш дахарах, уж аргӀанарча даькъ тӀа баьлар. Из вӀашагӀкхетар дӀахьоргда тов бетта 5-8-ча деношка Кингисеппе, из дӀахьош да Ленинградски областа «Россонь» яхача берий лагера даькъ тӀа.
«Тӏехьашка дус, цахаддаш дешара говзал лакхъеш, цар дӀадихьа денош. Карарча шера доакъашхой ба, «Халкъа цхьоагӀон Шу» яха тема тахка езаш. Цига гойта деза шоаш Ӏомадаьр, иштта хьалхашка нийслуш дола декхараш кхоачашде ховш хилар, тоабашца цхьана болх бе хар», - аьлар ГӏалгӀайчен Паччахьалкхене.
Российски колледжий, техникумий студенташца «Доккхий хувцамаш» яхача хьаькъалеча яхьебалар да лоархӏаме хӀама. Из дика дегӀабахкара тешал да. Укхаза бераш хьож шоашта фу карагӀдоал.
Яхьо таро лу царна мехка гӀолла шоайяр санна уйла яраш лаха, балха говзал эца, начӀал долча кагирхой юкъарло хьакхолла.
