Цига дакъалоацаш хилар ГIалгIай Республика Кулгалхочун гIонча Антонов Игорь, моттигерча Росгварде урхален кулгалхо Буружанаькъан Микаьил, Эбарг-Юртарча гарнизона тIема прокурор, юстице майор Безсмертный Александр, Малхбоалехьарча тIема даькъа тIара подполковник, РФ Лоткъама урхален, тIема лоткъама комитета кулгалхо Морданев Александр, ГIалгIайчен Росгварде ветераний совета кулгалхо ГIарбакханаькъан Мухьмад.

Гулбеннараш даькъалбувцаш подполковника Кириллов Виктора белгалдир, «Полк вIашагIйоллача хана, регионе эггара чоалханегIа ха хиннаяле а, цунга хьежжа доацаш, бIухоша шоашта хьалхашка оттадаь декхараш дизза кхоачашдаьд», — аьнна«.

Цо баркал аьлар, царна шоаш хержача профессена уж мутIахьа хиларах а, иштта, цар шоай декхар дизза кхоачашдарах а.

ГIалгIай Республике гIолла йолча Росгварде Урхален кулгалхочо, полице полковника Буружанаькъан Микаьила белгалдир, тахан регионера машар чIоагIбара полка декхар доккха хилар.

«17-шера дIабихьача балха, вайцара дIакъаьста, тахан боацаш а дукха ба.

Иштта дале а, таханарча денна вай республике гIолла машар чIоагIбара, кхы даькъа тIарча урхаленца бувзам а лелабеш, полко дIахьош бар чоалхане а хала а никъ ба, цу даькъа тIа бахархой кхерамзленна Iалашо яра декхараш дика кхоачаш а ду», — аьлар цо.

ВIашагIкхетар дIахьош шоай балха тIехьа декхараш дика кхоачашдаьраш, совгIаташца а баркал аларца а белгалбир.