СВО веннача Шолжерча бӏухочун воӏ Гӏуражанаькъан ӏабдуллах «Орлёнок» яхача берий центре вахар
Лаьрххӏа йола тӏема операци дӏахьош веннача бӏухочун воӏ Гӏуражанаькъан !абдуллах вахар «Орлёнок» яхача Ерригроссийски берий центре кхоллама хана юкъе дакъа лаца, яхаш, дийцар «Сердало» газетага «Даьхен лорабой» ганза филиала зарбан болх лелабераша.
«Шолжерча зӏамигача вахархочо 1-гӏа моттиг яьккхар «Турпалхой дагалоаттама мутӏахьа да» яхача Ерригроссийски яхье «Халхара» даькъ тӏа, цудухьа ӏабдуллах бокъо йолаш ва «Орлёнок» яхача берий центре ваха. Кхоллама ха дӏахьоргья тушола бетта 26-ча денгара бекарга бетта 15-ча денга кхаччалца. Цу деношка дешархошта гойтаргья дика программа, цига цун бовзаргба нах, керда таронаш», - аьлар хоамо.
Из кхетаче дӏаяхьара бахьан дар бейнача бӏухой берашта шоай начӏал гучадаккха таронаш ялар, иштта дешара центра тематически программа чудоагӏа дешар дӏадахьар.
Гӏуражанаькъан ӏабдуллах ӏомалуш ва Илдарха-Гӏалан культуран Цӏен «Тӏаргим» яхача берий ансамбле. Цун толам ба дика къахьегар, начӏал хилар, искусство езар, - аьлар тхоца къамаьл даьчо.
