ӏаддалхо Дошлакъанаькъан ӏумар мукӏарло яь тӏаийцар российски говзанчаша
ӏадсаькх кхоссаш волча Дошлакъанаькъан ӏумара начӏал тӏаийцар Россерча боарам тӏа. Из лаьрххӏа вола говзанча «Россе ӏадсаькх кхоссар спорта мастер» ва, яхаш, дийцар «Сердало» газетага спортсмена лаьрххӏа болча викалаша.
«Вай мехкахочун тӏехьа керда цӏи йисар, 2026 шера наджгоанцхой бетта 26-ча дийнахьа РФ спорта Министерствон амарах. Дӏадахача шера лайчилла бетта, ӏумара кхоачашбир Ерригроссийски ӏадсаькх кхоссарах «Россе турпалхочун, Рязана цӏихезача вахархочун М.Г. Малахова совгӏат даккха» дӏахьош хиннача яхьашка спорта мастера декхара боарам», - аьлар хоамо.
Спортивни болх дӏахьош хиннача шерашка, Мухьмада ӏумара ше гойтар спортивни даькъ тӏа лаьрхӏар кхоачашдергдола, бехктокхаме, даим дегӏа вара кийча волаш.
«Цун толам- из духхьал цун котало хинна ӏац, из лоархӏаме да Гӏалгӏайчен ерригача ӏаддалхой ишкола», - аьлар ГӏР цу лостамагӏарча Федераце.
