«Лоаман кхалсага майрал» яха спектакль гойтаргья берий театра актёраша
Укх бетта 16, 17, 18-ча деношка; «Лоаман кхалсага майрал» яхача спектаклага хьажа бех бахархой берий театро. Гӏалгӏай къам мехкахдаьккха 82 шу дизара хетаяь я из.
«Сердалога» из хоам бир культуран, туризма гӏулакхех йолча министерствос. Спектакле ювц вай къаман денал долаш хинна унахцӏенон оагӏонцарча ӏилмай кандидат Тутайнаькъан Аьсет.
Доккха денал гойта саг я вай мехкахо. Сийлахь-боккхача Даьймехка тӏема шерашка советски эскара бӏухошта гӏо деш лаьттай из, шийна тӏехьа сийрда лар юташ, турпалал гойташ хилар цун вахара хадар. Архивашкара сурташ, каьхаташ юкъекхувлаш вӏашагӏъеллай спектакль.
Тутайнаькъан Аьсетах лаьца тӏема исторе яздаьраш вайна дика довзаш да, хӏаьта спектаклага гӏолла ма дарра довза йиш я из сурт. Тӏема шерашка турпалал гойташ лаьттача къаман яхь йолча йиӏий никъ бовзаш хила деза вай!
