Наькъашкара саготдайта хьал дийцар МагӀалбике
Бер юкъе долаш, нах бовш хиннача аварех йоккха вас хиннай мехкахошта. Геттара хала, кхераме латтача наькъашкарча хьалах дийцар шахьара администраце дӀайихьача кхетаче. «Сердалога» из хоам бир цу моттигера. Кхетаче дакъа лоацаш хилар шахьарера хьакимаш, УГИБДД, наькъашкарча хьалех йолча министерствон болхлой, ишколай кулгалхой, моттигера депутаташ.
Наькъашкара хьал меттадоагӀаргдолаш, дича бакъахьа дар дийцар кхетаче. «Кхален ийс урам тӀа, ишколашта юхерча доазонаш тӀа наькъаш тоадеш болх дӀабихьаб, кхы а массехк наькъ тӀа асфальт биллаб, цхьаццайолча моттигашка жагӀа тессаб, гӀашлой наькъаш даьхкад», - йоах хоамо.
Белгалде деза, из беррига болх «Кхераме доаца дика наькъаш» яхача къаман проектага гӀолла, шахьара ганзерча ахчах, Минсельхоза оагӀонга гӀолла дӀабихьалга.