Къахьегама кхо шоатта дӀадихьар Шолжа кхале
Шолжа кхален ГӀажарий-Юртарча Ӏалама хьалах дог лазача бахархоша, администраце къахьегама кхо шоатта дӀадихьар хьун моттигашка. Из хоам тха «Сердалога» бир администраце болхлоша.
Шолжа кхален администрацен хьалха латтача Татенаькъан Ӏийсас нувхех, ца эшача гаьнех моттигаш цӀенъеш болх дӀабихьар ше хьалха этта, ГӀажарий-Юртарча администраце кулгалхо волча Чахкенаькъан Османа къахьегаш боахкарашка делкъар дайтар. Дикка къахьийгача, тӀатеӀӀа хӀама даа деза, хӀана аьлча, дегӀа кхы а дӀахо болх бе низ эш. ХӀаьта цӀенача фега болх беш воаллаш хилча-м, геттара айлу дуача хӀаманцара чам. 300 метрага кхоачаш дола доазув цӀендир Ӏаламах дог лазараша.
«Татенаькъан Ӏийсас доккха баркал аьлар къахьегаш баьхкарашта, белгалдир, Ӏалама хьал лорадар, лостам лоаттабар мел лоархӀаме да бусалба сага вахаре. ХьатӀадоагӀача салоӀача деношка, дӀадахьа лерхӀ цхьаькха къахьегама шоатта. Дала деннача хозача Ӏаламах дог лазаш мел волчо дакъа лаца йиш я цу юкъе», - дийцар тхога кхален администраце.
