«2026 шерара тхэквондох дола Керттера совгӏат» яхача дунен яхье латаргва Яхььяевгӏар Билал
Итале дӏаяхьа лерхӏача «2026 шерара тхэквондох дола Керттера совгӏат» яхача дунен яхье ше дӏавовзийташ хургва лакха начӏал дола тхэквондист Яхььяевгӏар Билал. Из хоам «Сердалога» бир спорта гӏулакхех йолча министерствос.
Аьтинга бетта 2-ча денгара 5-ча денга кхаччалца, Риме хургья яхьаш. Тхэквондох йолча Дерригача дунен федерацега (WT) гӏолла дунен тӏара эггара толашагӏа бола тхэквондисташ ба цига гулбераш. Российски тоабанна юкъе хургва халкъашта юкъерча класса спорта говзанча вола вай мехкахо а. Нохчий республика, вай мохк дӏабовзийташ хургва из цига. 80 кг лакхагӏа долча дозале белгалвала везаш ва Къамурзой Ахьмада кхеваь спортсмен»,- йоах тхога кхаьчача хоамо. «Аьттув болаш, толамга кхоачаш хилда цун Риме ваха Кавказ дӏайовзийтар», - аьлар цу оагӏонцарча министерстве.
