Гӏалгӏайчен тхэквондиста ялхлагӏа халкъашта юкъера майдилг яьккхар
Гӏалгӏайчера Яхьяевгӏар Билала борза совгӏат даьккхар «Ганвон Чхунчхон-2026» яхача йийллача тхеквондох йолча яхье. Из лакхача боараме, G4 яха цӏи йолаш, Къулбехьен Корейски Чхунчхон шахьаре дӏахьош йола халкъашта юкъера яхь хиннай.
Совгӏаташ дахара яхьебаьлар чӏоагӏагӏа бола 165 единоборцаш, уж бар 37 дунен мехкашкара баьхБа.
«Яхьаш дӏахьош, Билала къаьнара чов сомаяьлар, бакъда ше лаьрхӏачунга кхачара гӏерташ, цо къахьийгар полуфинале воалаш. Керттера яхьаш дӏахьоча цун могашал эшаенна хургйоацаш, Россе тоабан тренерий штабо лаьрхӏар, из юкъе ца валийта дӏахо дӏахьоча яхьашка. Иштта дале а, цига даьккхача совгӏато таро елар цунна дунен рейтинга 10-ча моттиге хила», - аьлар «Сердало» газетага Гӏалгӏайчен спорта Министерстве.
Хӏанз цун да халкъашта юкъера ялх совгӏат - кхоъ дошо, цаӏ дото, шиъ борза майдилг.
