ГӏалгӀайчен ТЮЗ кийчлуш да «Театра кхоллама бийсанга»
Тушола бетта 27-ча дийнахьа Дерригдунен театра ди да, ГӏалгӀайчен берий театр дакъа лоацаш хургда «Театра кхоллама бийса» яха болама юкъе. Из тамашийна хьал хетадаьд Россе театра болхлой 150 шу дузаш хилара. Берригача мехка гӀолла 800 театр, иштта культуран майдаш я, цар шоай наӀараш хьаелларгья 1200 кхетаче дӀаяхьа: спектаклаш гойтаргья, говзанча хьехамаш лургда.
«Вай хьажархошта гургда, оакхарий хьунашка хьалкхийнача тамашийнача кӀаьнках дола дувцар. «Маугли» яха спектакль оттаяьй начӀал долча режиссера Ховтанаькъан Лейлас. Из сийрда, хьехам луш йола спектакль Ӏалама законах, доттагӀалах, шоай никъ лохаш хиларах дувцаш я. Безам бараш берригаш а цу йоккхача проекте дакъа лаца йиш йолаш ба. Цо вӀашагӀтох Россе ерригача моттигашкара профессиональни юкъарло, иштта хьажархой», - аьлар «Сердало» газетага ГӏалгӀайчен ТЮЗе.
Театра сайре дӏаяхьар дикагӀа дола бахьан да из ди белгалде. ГӏалгӀайчен бахархоша а дакъа лоацаргда аьнна хет, шоай хьамсара артисташ даькъалабувцача.
