Гӏалгӏайчен ТЮЗ Подмосковье гастролашка дода
Гӏалгӏайчен берий театр Московски областа Жуковский оалача шахьаре додаш да. Цига, бекарга бетта 14-16 деношка кхаччалца, «Стрелка» яхача берий, боккхийчар драматически театра сцена тӏа ший дикагӏа бола болх гойтаргба цо.
«Гастролаш дӏахьоргья Ерригроссийски гастрольно-концертни «Йоккха гастролаш» яхача программа чуйоагӏаш, цо бахархошта хьаелларгья культура, гӏалгӏай ӏадаташ довзара йоккхий таронаш.
Гастролей программа чудоагӏаш да кхоъ болх гойтар: «Къамаьл ду кхабилг» Шоанахой Л., «Хӏамах ма кхера, Зураб!» Ховтанаькъан Л., иштта «Ди къовкъар» Лаьнанаькъан А. Уж постановкаш геттара кхоллама болх юкъебаьккха я, цар таро лу къонача хьажархошта дийнача къамаьла юкъе дакъа лаца», - аьлар «Сердало» газетага Гӏалгӏайчен ТЮЗе.
Вай артисташцара вӏашагӏкхетар, доттагӏал, культуран цӏай хургда, цо наьха дегашка эггара сийрдагӏа йола лар ютаргья.
