Гӏалгӏайчен берий театро спектакль йихьар, «Аьрзи» яхача лагере
Бокъонца дола совгӏат хилар, «Аьрзи» яхача унахцӏено тоаяра берий лагере салоӏарашта. Уж болча баьхкар Гӏалгӏайчен берий театра артисташ, сакъердаме «Муӏилгаши когилгаши» яха спектакль яхьаш. Йовхьамаш ловзаераш сцена тӏа баьлча, берий дегаш гӏоздаьлар, тӏоараш детташ, гӏаддаха тӏаийцар хьаьший. Дийна ловзар, бегаш, сийрда гӏирсаш берий терко тӏаозаш дар.
«Из чакхдаьлар, духхьала бӏарг тӏера ца боаккхаш хьажарца. Артисташа берашта довзийтар тамашийна истори, цига белам а дика гӏулакхаш довзийтар а дар. Бераш боккхача безамца хьожаш дар чулоацамга, турпалхошца цхьана сагот а дора, геттара чӏоагӏа дакъа лоацаш хулар уж, цхьайола моттигаш нийслуча хана. Спектакль яьлча а, бераш чудаха сагота дацар. Цар боккхача безамца шоайла дувцар бӏаргадайнар. Артисташа къамаьл дир берашца, шоай балхах дийцар, автографаш елар», - аьлар «Сердало» газетага ТЮЗе.
Цу тайпара искусство, профессиональни актёраш хилар бахьан долаш, берий таро хилар хозадар довза.
